Recent Posts

Breaking News

ECQ o MECQ di igsapayan ni Labella


DI IGSAPAYAN ni Cebu City Mayor Edgardo Labella kon magpabilin sa enhanced community quarantine (ECQ) o mahimong ubos sa modified ECQ inig Hulyo 1 ang Dakbayan sa Sugbo basta masumpo lang ang pagkuyanap sa coronavirus disease (Covid-19) sa dakbayan sa Sugbo.

Kini ang gipadayag ni Labella human sa kapin lima ka oras nila nga meeting uban ni Secretary Roy Cimatu, pangu sa Task Force Visayas batok sa Covid-10; retired Major General Melquiades Feliciano, co-implementer sa Visayas; Assistant Secretary Alexander Macario sa Department of the Interior and Local Government (DILG), Lt. General Roberto Ancan sa Central Command (Centcom) Police Regional Office (PRO) 7 Chief Police Brigadier General Albert Ferro, ug Department of Health (DOH 7) Regional Director Jaime Bernadas.

“Ang importante we can continue to implement the protocol and see to it that we will be able to stop the spread because the virus is still here,” padayag ni Labella.

Ang mayor niingon nga gitugyan niya ngadto sa national Inter-Agency Task Force (IATF) for the Management of the Emerging Infectious Diseases ang paghukom sa quarantine classification sa dakbayan.

Ang mayor nidugang nga magpadayon ang testing sa Cebu City bisan kon kini nagkahulogan sa pagsaka sa kaso sa virus.

“We will continue with our mass testing so that we will know the gravity or extent of the spread so that we can treat them. We don’t mind when the numbers increase for as long as we will be able to test, trace and prevent the spread,” dugang ni Labella.

Siya niingon nga niining krisis nga giatubang sa Siyudad kinahanglan nga balanse sa maayong kahimtang sa panglawas ug ekonomiya ang mga lakang nga pagahimuon.

Sila si Cimatu nakatutok sa estrikto nga implementasyon ECQ aron mapugngan ang mga lihok sa mga tawo.

Higpitan usab ang seguridad para walay mapahigayon nga mass gathering uban sa pagpahigayon sa mass testing ug contact tracing

Gitan-aw usab nila ang pagpalambo pa sa Cebu City Quarantine Center gikan sa level 2 ngadto sa level 3 para makadawat na sila og severe Covid cases diin mag-hire og dugang medical personnel ang Siyudad. (PAC)


Source: Sun.Star Superbalita (https://www.sunstar.com.ph/article/1861889/Superbalita-Cebu/Balita/ECQ-o-MECQ-di-igsapayan-ni-Labella?ref=rss&format=simple&link=link)

No comments