Recent Posts

Breaking News

Dalaga nagpakamatay


DIGOS CITY -- Hingpit nang natuman sa usa ka 18-anyos nga dalaga ang iyang pipila ka higayong tinguhang pagpakamatay apan napugngan.

Nahitabo ang insidente sud sa giarkilahang balay sa Datoc Compound, Barangay Zone 1 ning dakbayan, alas 11:50 sa buntag niadtong Biyernes, Hunyo 26, 2020.

Giila ni Lieutenant Colonel Vici Anthony Tababa, hepe sa Digos City Police Office, ang biktima nga si Elleeyah Moring Lamiton, wa’y trabaho.

Sa inisyal nga imbistigasyon sa mga otoridad, nasayran nga iyang uyab nga same-sex nga si Annaflor Camireno, 23, residente sa Barangay San Jose sa lugar, maoy nakadiskubre sa insidente.

Milutaw sa dugang imbistigasyon sa kapolisan nga duha ka higayon kining misuway sa pagpakamatay, una niadtong Marso 2019, ang ikaduha niadtong Nobyembre 2019 apan naabtan sa mga igsuong sila si Estrella ug Deejay.

Samtang, wa’y nakit-ang “foul play” ang mga otoridad sa uwahing higayon nga nagpakamatay kini apan di nila masulti kung unsa’y motibo sa biktima sa paghunos sa iyang hinulamang kinabuhi.

Gidala na sa usa ka punerarya sa lugar ang patay’ng lawas sa biktima alang sa pag-autopsiya.

[Kon kamo nakasinati og kamingaw o nagplano nga maghikog, mamahimong i-contact ang National Mental Health Crisis hotline sa 0917-899-8727 o 989-8727.]


Source: Sun.Star Superbalita (https://www.sunstar.com.ph/article/1861734/Superbalita-Davao/Balita/Dalaga-nagpakamatay?ref=rss&format=simple&link=link)

No comments