Recent Posts

Breaking News

Daghang wala masayod sa Pagsira sa kadalanan


DAGHAN ang wala pa mahibawo sa pagsira sa dakbayan sa Sugbo sa mga karsada paingon sa kinapusoran sa siyudad gikan sa coastal road.

Si Alma Barandog-Casimero, pangulo sa Cebu City Transportation Office (CCTO), nagkanayon nga ilang gipahibawo ang mga drivers kinsa wala pa masayod ug gipabalik sa ilang gigikanan.

“Karong adlawa naglibog pa ang mga motorista kay matod pa nila nganong karon pa ni gibuhat ug nganong wala ni gi-implementar sauna, mao nang gipasabot nato sila,” matod ni Casimero. Ang mga sakyanan nga gikan sa Sergio OsmeƱa Avenue dili maka-right turn ug makasulod sa mga karsada paingon sa Cebu City proper.

“Karong adlawa mao ni ang information dissemination so wala lang ta nag-isyu pero kadtong ni violate nga walay lisensiya ug rehistro atong giisyuhan,” matod niya.Ang gikan sa dakbayan sa Talisay nga molagbas sa Cebu South Coastal Road makasulod sa Cebu City apan adto mo-agi sa U-turn slot ilawom sa viaduct paingon sa Barangay Mambaling apan mahimo sab sila nga molahos sa Plaza Independencia.

Gipadayag ni Casimero nga daghan ang mga motorista nga nakalapas sa number coding nga ilang giisyuhan apan atol sa pagsuwat niining balita, wala pa siyay statistics sanglit wala pa maabot sa opisina ang iyang mga enforcers.

Gituyo ang pagsira sa mga dalan sanglit ang maong karsada gitagana para sa mga sakyanan nga moagi ra sa Cebu City ug mopaingon sa kasikbit nga mga LGU gumikan sa ECQ nga gipahamtang sa dakbayan. (PAC)


Source: Sun.Star Superbalita (https://www.sunstar.com.ph/article/1861043/Superbalita-Cebu/Balita/Daghang-wala-masayod-sa-Pagsira-sa-kadalanan?ref=rss&format=simple&link=link)

No comments