Recent Posts

Breaking News

Babayeng OFW unang positibo sa Covid-19 sa Compostela


USA ka 29-anyos nga babaye ang unang nagpositibo sa coronavirus disease 2019 (Covid-19) sa lungsod sa Compostela sa Davao de Oro.

Kini ang gikumperma sa probinsyal nga panggamhanan ning lugar.

Nasayran nga ang maong pasyente ika-unom nga kaso sa Covid-19 sa probinsya.

Gibutyag nga ang maong babaye usa ka overseas Filipino worker (OFW) nga gikan sa Kingdom of Saudi Arabia nga niabot sa Manila, Mayo 18, 2020.

Matud pa nga pagkagabii sa Mayo 29, nihawa sa Manila ang pasyente ug niabot sa siyudad sa Davao pagkabuntag sa Mayo 30 diin siya gidala sa mga personahe sa probinsyal nga panggamhanan ning dapit nga misundo kaniya.

Dayon gidala kini sa pasilidad sa Provincial Capitol nga nagsilbing holding area una siya kuhaon sa LGU Compostela ug gipailawom sa rapid test nga nag-negatibo ang resulta.

Sumala pa nga alas 9:00 sa gabii sa parehong adlaw gisundo ang pasyente sa LGU-Compostela ug gibutang sa Barangay Isolation Unit (BIU) aron i-quarantine sulod sa katorse ka adlaw.

Matud pa nga gidala ang pasyente sa Davao De Oro Provincial Hospital-Montevista, Hunyo 9, 2020 aron i-swab test ug sa Hunyo 12, 2020, miguwa ang resulta gikan sa SPMC nga positibo sa novel coronavirus. (Dexter T. Visitacion)


Source: Sun.Star Superbalita (https://www.sunstar.com.ph/article/1860058/Superbalita-Davao/Balita/Babayeng-OFW-unang-positibo-sa-Covid-19-sa-Compostela?ref=rss&format=simple&link=link)

No comments