Recent Posts

Breaking News

61-anyos nagbitay sa bintana, patay


GISAYANGAN sa usa ka 61-anyos nga drayber og trisikel ang iyang kinabuhi human gihunos niini ug nabangalang naghikog, alas 4:30 sa kaadlawon, Sabado, Hunyo 13, didto sa Padada, Davao del Sur.

Patay na nga nabangalan ang biktimang si Roberto Kinoy Orong, residente sa Purok 6, Barangay Upper Limonso, sud sa ilang balay.

Sa imbestigasyon sa Padada Municipal Police Station, nakurat na lamang ang pamilya ug mga silingan sa biktima human nakit-ang nagbitay na sa bintana gawas sa lawak ang biktima.

Gihulagway sa kapolisan nga mitug-an kanila ang pamilya sa biktima nga hilabihan kining nag-antus sa lisod nga paginhawa sanglit di kini makatulog tarong panahon sa kagabhion.

Nasayran nga gihambin sa biktima ang iyang sakit nga tuberculosis (TB).

Hinuon, wa’y nakitang foul play ang kapolisan sa maong insidente.

Sa kasamtangan, gihaya na ang biktima sa Good life Funeral Home sa lugar. (Orlando B. Dinoy)


Source: Sun.Star Superbalita (https://www.sunstar.com.ph/article/1860060/Superbalita-Davao/Balita/61-anyos-nagbitay-sa-bintana-patay?ref=rss&format=simple&link=link)

No comments