Recent Posts

Breaking News

5 water tubs gi-donate sa RPSB, RCSP sa DavSur


MATANAO, Davao del Sur -- Lima ka water tubs ang gitunol sa mga sakop sa Revitalized Pulis Sa Barangay (RPSB) ug Retooled Community Support Program (RCSP) sa Philippine Army ngadto sa mga molupyo sa Barangay Colonsabac.

Gibutyag ni Captain Rhuel Barachina, hepe sa Matanao Municipal Police Station, nga ang turnover ceremony sa lima ka water tubs gipahigayon niadtong Biyernes, Hunyo 5.

Ang proyekto, matod ni Barachina, maoy katumanan sa Quick Impact Project sa hiniusang pwersa sa RPSB, RCSP ug lokal nga gobyerno.

Gitambongan sab ni Lieutenant Colonel Romeo Angon, deputy provincial director for operations sa Davao del Sur Police Provincial Office, ug Bise-mayor Alfredo Panerio ang seremonyas.

Mahimong makabenepisyo sa mga water tubs ang mga molupyo sa Sitio Barak, Sitio Gumtev, Purok 5, Unit 2, Purok 7 ug Sitio Datalpitak sa Brgy. Colonsabac.

Nasayran nga dugay rang suliran sa mga molupyo ang suplay sa tubig sa ilang lugar.

Ang proyekto nahimo pinaagi sa pagtinabangay sa mga molupyo sa lugar.


Source: Sun.Star Superbalita (https://www.sunstar.com.ph/article/1859257/Superbalita-Davao/Balita/5-water-tubs-gi-donate-sa-RPSB-RCSP-sa-DavSur?ref=rss&format=simple&link=link)

No comments