Recent Posts

Breaking News

5 ka kaso sa Covid-19 nadugang sa Bogo City


USA ka pamilyahan ang nag-positibo sa coronavirus sa Dakbayan sa Bogo, samtang aduna pay usa ka kaso gikan usab sa kuminidad.

Sa kinatibuk-an, ang Dakbayan sa Bogo nakatala og lima ka bag-ong kaso sa coronavirus disease (Covid-19) karong Hunyo 27, 2020.

Sa Facebook post sa City Government of Bogo, usa sa mga bag-ong kaso usa ka 57 anyos na babaye nga nag gikan sa Barangay Taytayan, samtang ang upat ka bag-ong kaso usa ka pamilyahan na gikan sa Barangay Sto. NiƱo.

Matod sa post sa City Government of Bogo, na isolate na ang maong pamilya sa wala pa sila na swab test isip precautionary measure kay ang padre de pamilya sa maong pamilya adunay close contact sa miaging kompirmadong kaso sa Covid.

Duha sa mga bag-ong kaso ang adunay simtomas sa virus, samtang gi-taho na asymptomatic ang tulo.

Padayon usab ang pag contact tracing sa City Health Office sa Bogo sa mga na direct contact sa mga bag-ong kaso.

Ang syudad aduna nay 15 ka mga kompirmadong kaso diin adunay upat nga naayo ug usa nga namatay.

Aduna usab 10 ka aktibong mga kaso ang syudad. (RSR)


Source: Sun.Star Superbalita (https://www.sunstar.com.ph/article/1861611/Superbalita-Cebu/Balita/5-ka-kaso-sa-Covid-19-nadugang-sa-Bogo-City?ref=rss&format=simple&link=link)

No comments