Recent Posts

Breaking News

31-anyos nga lalake bag-ong gi-Covid sa Minglanilla


DUNAY usa ka bag-ong kaso sa coronavirus disease (Covid-19) nga natala sa lungsod sa Minglanilla.

Ang pasyente usa ka 31-anyos nga lalaki nga nagpuyo sa usa ka subdivision sa Barangay Tungkil.

Matod sa Rural Health Unit sa lungsod nga way trabaho ang pasyente, apan ang iyang inahan anaa nagtrabaho sa dakbayan sa Sugbo.

Sugod sa Mayo 30, nakasinati og ubo ug hilanat ang pasyente hinungdan nga gi-admit sa Minglanilla District Hospital diin usab siya gi-swab test.

Sa pagkakaron, gipaubos na sa home isolation ang pasyente.

Sa uwahing datos sa lungsod, nakatala na kini og 51 ka mga positibong kaso sa Covid-19.

Nanawagan si Minglanilla Mayor Elanito Peña sa mga konstituente sa pagsubay sa mga protocol sa lungsod aron malikayan ang pagkatap sa sakit.

"Magbantay lang gyud ta, kanang pag face mask, social distancing maghugas sa kamot kay anha mana mag gikan ang virus makatakod na nuon ilabi ug dili ta mag bantay", matod ni Peña.

Ika-51 na kini nga kaso sa Covid-19 sa Minglanilla. /ANV


Source: Sun.Star Superbalita (https://www.sunstar.com.ph/article/1859364/Superbalita-Cebu/Balita/31-anyos-nga-lalake-bag-ong-gi-Covid-sa-Minglanilla?ref=rss&format=simple&link=link)

No comments