Recent Posts

Breaking News

3 BIFF mitahan sa militar


COTABATO CITY -- Tulo ka terorista ang misurender sa militar alas 2:00 sa hapon niadtong adlaw nga Lunes sa probinsya sa Maguindanao.

Ang tulo ka rebelde mga sakop ni Kumander Ustadz Karialan ilawom sa Karialan faction sa Bangsamoro Islamic Freedom Fighters (BIFF).

Misurender ang tulo ka BIFF sa puwersa sa 90th Infantry (Bigkis-Lahi) Battalion sa Philippine Army ug mga molupyo sa Sitio Tatak, Barangay Salgan, Pagalungan, Maguindanao.

Gisurender sab sa mga rebelde ang tulo ka mga tag-as nga matang sa armas, mga bala ug mga magazine.

Pormal sab nga gidawat ni 6th Infantry (Kampilan) Division chief Major General Diosdado Carreon.

Nagpasalamat sab si 602nd Brigade Commander Brigadier General Roberto Capulong sa Pagalungan LGU nga gipangulohan ni Mayor Datu Salik Mamasabulod nga mitabang sa negosasyon sa pagsurender sa tulo ka BIFF ug mihatag sab sa inisyal nga tabang.

Nanawagan si 90th IB Commander Lieutenant Colonel Michael Maquilan sa mga buot misurender nga abri ang ilang ganghaan ug sila andam nga mutabang ngadto sa mga rebelde nga gusto nga manginabuhing magmalinawon. (Edgar Fuerzas)


Source: Sun.Star Superbalita (https://www.sunstar.com.ph/article/1861954/Superbalita-Davao/Balita/3-BIFF-mitahan-sa-militar?ref=rss&format=simple&link=link)

No comments