Recent Posts

Breaking News

2 ka fire station gi-lockdown


ANG mga fire station sa lungsod sa Cordova ug Consolacion ang gi-lockdown.

Base sa Facebook page sa Cordova Fire Station ilang gipahibalo nga ila unang gi-lockdown ang ilang buhatan tungod sa pagka-positibo sa unom nila ka sakop sa Bureau of Fire.

Tungod niini ang Cordova fire station dili una modawat og application for certification alang sa buot mo-apply.

Ang Bureau of Fire Protection sa Dakbayan sa Lapu-Lapu una ang moresponde kon ugaling adunay motumaw nga sunog sa maong lungsod.

Ilang gipahibawo nga alang sa mo-report sa mga sunog sa Cordova Fire Station palihug tawag sa Lapu-Lapu City Fire District sa telepono 340-0252.

Mamahimo gihapon motawag sa 496-7889 / 496-8164 nga maoy labing duol nga estasyon sa maong lungsod.

Ang Consolacion Fire Station gi-lockdown sab human nga usa sa ilang sakop ang nagpositibo. Ang tibuok fire fighters sa maong lungsod ang naka-isolate sud sa ilang buhatan tungod usab sa susamang kaso.

Kon duna man gani motumaw nga sunog sa maong dapit ang labing duol nga estasyon sa Bureau of Fire ang mo responde una. (BBT)


Source: Sun.Star Superbalita (https://www.sunstar.com.ph/article/1861171/Superbalita-Cebu/Balita/2-ka-fire-station-gi-lockdown?ref=rss&format=simple&link=link)

No comments