Recent Posts

Breaking News

2 frontliners positibo sa Covid


DUHA ka mga frontliners ang bag-ong mga kaso nga nagpositibo sa new coronavirus sa lungsod sa Sibonga Martes, Hunyo

Sa Facebook post sa Sibonga Municipal Health Office, usa sa mga kaso ang usa ka 29-anyos nga frontliner nga nagtrabaho sa usa ka pribadong ospital sa Dakbayan sa Mandaue. Na assign ang maong pasyente sa ICU ug Covid-19 Ward sa iyang gitrabahuan na ospital.

Nagpacheck-up ang maong pasyente niadtong Hunyo 27, human nakasinati kinig paglabad sa ulo ug sakit sa tutunlan. Sa susamang adlaw gikuhaan siyag swab test, nadawat ang resulta sa maong pasyente karong Hunyo 30 ug nag-positibo kini.

Matod usab sa ilang post na ang maong pasyente wala na makauli sa Sibonga sukad pa niadtong Mayo 27.

Kasamtangang gi-minotor ug na isolate na sa pribadong ospital sa Dakbayan sa Mandaue ang maong pasyente.

Ang lain nagpositibong frontliner, usa ka 38-anyos na lalaki nga na deploy sa Dakbayan sa Mandaue.

Niadtong Hunyo 20, mi-uli ang maong pasyente sa Sibonga. Mi-lakaw ang maong pasyente aron mag-asikaso sa iyang gipabuhat nga mga furniture sa lungsod sa Argao.

Pag-alas 12 nakadawat siyag tawag na gikan sa ilang opisina na ang dryber na ilang gisakyan sa trabaho nag positibo sa virus. Milarga ang maong pasyente pabalik sa ilang station sa Dakbayan sa Mandaue gamit ang iyang personal na sakyanan.

Sa Hunyo 22 nakasinati kinig hilanat ug sip.on sa ilang opisina sa Dakbayan sa Mandaue. Sa Hunyo 25, gikuhaan siyag swab test ug nadawat ang resulta karong Hunyo 30 na siya nag positibo sa virus.

Kasamtanagan na gi-isolate ang pasyente ug gi-monitor sa usa ka facility sa Dakbayan sa Mandaue.

Nagpahigayon na og contact tracing ang lokal na kagamhanan sa mga na direct contact sa mga bag-ong kaso.

Nagpahinomdom usab sila sa tanang mga frontliners na doblehan ang pagmatngon hilani na kung kanunay kining mopauli sa ilang mga pamilya. (Rebecah S. Roberts)


Source: Sun.Star Superbalita (https://www.sunstar.com.ph/article/1861994/Superbalita-Cebu/Balita/2-frontliners-positibo-sa-Covid?ref=rss&format=simple&link=link)

No comments