Recent Posts

Breaking News

19 ka symptomatic ang gipahiluna na sa CCQC


NIABOT na og 19 ka mga symptomatic Covid-19 positive ang nalandig sa Cebu City Quarantine Center, Hunyo 9, 2020.

Ang maong mga individual adunay mga mild ug moderate nga sintomas sa maong virus ug giatiman sa mga doctor gikan sa Cebu City Medical Center (CCMC)

Si CCMC Hospital Administrator Yvonne Cania kinsa maoy nag-manage sa CCQC nitug-an nga kini gilangkuban sa walo ka lalaki ug tulo ka babaye nga gikan sa lainlaing barangay sa siyudad.

Gipadayag ni Cania nga kagahapon sa hapon, aduna silay dugang walo ka mga pasyente nga admit sa CCQC nga sagad gikan sa Vicente Sotto Memorial Medical Center nga pulos taga dakbayan.

Gawas sa mga intervention sa mga doktor para sa ilang balatian, sila gihatagan og libreng pagkaon, vitamins ug uban pa nilang gikinahangkan sa ilang pag-estar sa CCQC.

Giklaro ni Cania nga libre ang pag-atiman sa mga pasyente nga nalandig sa CCQC kinsa pulos taga dakbayan sa Sugbo hangtod sila maayo sa ilang balatian.

Dugang ni Cania nga kon mahimong severe o grabe ang ilang gipamati sa lawas, ibalhin sila og ospital.

Ang pasilidad adunay kapasidad nga 166 ka mga tawo nga mahimong mapahiluna sa maong tambalanan nga nagsilbing extension sa CCMC.

Ang Cebu City adunay tulo ka quarantine facility gawas sa CCQ nga gidumala sa City Government samtang ang laing duha, ang Sacred Heart School field center ug IEC field center nga gidumala s Bayanihan Cebu diin sama sa CCQC, modawat og mga kaso sa mild ug moderate symptoms sa Covid-19. (PAC)


Source: Sun.Star Superbalita (https://www.sunstar.com.ph/article/1859556/Superbalita-Cebu/Balita/19-ka-symptomatic-ang-gipahiluna-na-sa-CCQC?ref=rss&format=simple&link=link)

No comments