Recent Posts

Breaking News

16 ang gi-Covid sa Carcar City


ANG lokal nga kagamhanan sa Dakbayan sa Carcar nitaho og dugang unom ka mga kaso sa coronavirus infections, nga nidala ngadto sa 16 sa kinatibuk-ang gidaghanon, tulo ang nangamatay, sa Hunyo 23, 2020.

Ang bag-ong mga kaso ginganlan og patients 11 ngadto sa 16. Ang LGU Carcar, sa iyang Facebook page, niingon nga ang patient 11 usa ka 12 anyos nga babaye nga taga Poblacion 1 nga nagpuyo sa usa sa mga tambalanan sa Dakbayan alang sa iyang post operation recovery.

Gioperahan siya sa ospital, gi-test ug napalgan nga siya positibo sa novel coronavirus nga nagdala sa Covid-19.

Si Patient 12 taga Barangay Tuyom. “She has been taking care of her son who is currently admitted in one of the public hospitals in Cebu City. Both have been staying in the same hospital for almost three months before got tested of Covid-19,” dugang sa LGU Carcar.

Laing kaso, Patient 13, taga Barangay Poblacion 1 gihapon. Usa siya ka hairdresser ug usa sa mga close contact ni Patient 8, kay gi-hire siya nga mohimog home service sa wa pa motumaw nga positibo sa Covid test ang nauwahi.

Si Patient 14 bana ni Patient 9 ug puro gikan sa Poblacion 1. Ang nahauna usa sa duha ka frontliners gikan sa City Health Office sa Carcar.

Sila si Patient 15 ug 16 mga sakop sa pamilya ni Patient 8, ang bana ug anak lalake nga puro taga Valladolid Proper. “They have been isolated from the day she tested positive of Covid,” matod sa LGU Carcar.

Matod sa LGU nga ang first degree contact sa Patient 4 negatibo sa kagaw ug gipagawas bisan kon siya gikonsiderar nga person under monitoring.

“Today, we have recorded the most number of positive cases from our city. Anyhow, we are still positive that everyone will get through this if we will follow all health protocols required,” matod ni Anthony John Apura, presidente sa Association of Barangay Councils, sa iyang Facebook post.

Sa interbyu sa Sunstar, si Apura niingon nga sagad sa aktibong mga kaso sa siyudad duna lay mild symptoms sa Covid-19.

Matod niya nga sagad sa bag-ong mga kaso nag-home isolation ug nagpadayon ang contact tracing.

Si Apura niingon nga ang mga kaso sa Carcar gipaabot nga mosaka karon nga ang mga utlanan niini bukas na tali sa Cebu City. (LMY, JKV)


Source: Sun.Star Superbalita (https://www.sunstar.com.ph/article/1861157/Superbalita-Cebu/Balita/16-ang-gi-Covid-sa-Carcar-City?ref=rss&format=simple&link=link)

No comments