Recent Posts

Breaking News

12 ka stalls sa Larsian gipasirhan sa Cebu City


ANG Cebu City Government nipasirado sa 12 ka stalls sa Larsian sa Fuente Osmeña gumikan sa pag-operate nga kuwang sa mga dokumento, Hunyo 9, 2020.

Lakip sa mga gisirado sa Prevention Restoration Order Beautification Emhancement (PROBE) mao ang Smily’s Best Barbecue, May’s Barbecue,Eliza’s Barbecue, Alindasay BBQ, Macmac BBQ, 3 Sisters BBQ, Ann’s BBQ, Bing’s Eatery, Mama Lucing’s Grill Station,,Ruel Georsen Eatery, Suite 16 BBQ ug Sobra Gana.

Ang City Legal Office ubos ni Atty. Rey Gealon niisyu og legal opinion niadtong Pebrero 29, nga way legal nga babag sa pag-isyu og closure order sa mga barbecue station sa Larsian gumikan sa ilang pag-operate bisan kuwang ang ilang mga papelis.

Kini sama sa mayor’s business permit, sanitary permit ug health certificates nga kalapasan sa Revised Omnibus Tax Ordinance sa Cebu City ug sa Presidential Decree No. 856 kun Sanitation Code of the Philippines.

Ang maong mga establisemento gihatagan og igo nga panahon sa City Government para maka-kumpleto sa ilang mga kuwang nga dokumento.

Apan hangtod sa pagsuwat niining balita, wala pa sila makaduso sa mga gikinahanglan hinungdan nga niisyu og closure order si City Administrator Floro Casas Jr. (PAC)


Source: Sun.Star Superbalita (https://www.sunstar.com.ph/article/1859550/Superbalita-Cebu/Balita/12-ka-stalls-sa-Larsian-gipasirhan-sa-Cebu-City?ref=rss&format=simple&link=link)

No comments