Recent Posts

Breaking News

10 ka pulis sa San Fernando gi-isolate; police station gi-lockdown


NAPULO ka mga pulis sa San Fernando Police Station nga direktang naka-physical contact sa nagpositibo nga dinakpan gipa-isolate na sa sulod sa ilang buhatan.

Gipa-lockdown usab ang police station.

Niadtong Dominggo, Mayo 31, 2020, gikuhaan silag swab sample alang sa coronavirus disease (Covid-19) test. Gipaabot na lang ang resulta kon sila natakdan ba sa novel coronavirus, nagdala sa Covid-19.

Matod ni Police Colonel Roderick Mariano, hepe sa Cebu Police Provincial Office, nga kasamtangan una nila nga gi-lockdown ang police station ug way bisan usa ka personnel nga makasulod.

“So, yung mga police natin. Yung mga resulta sa ating contact tracing, yung sampong police natin doon, pina-swab na natin. Waiting the result lang. But initially...Lockdown muna natin yung ano nilabas muna natin yung mga services natin at ang nag man muna dun, yung mga alert team natin na wala doon sa contact tracing na hindi na man kasama,” pasabot ni Mariano.

Ang usa sa mga piniriso nga positibo, matod ni Mariano, nga naa sa Vicente Sotto Memorial Medical Center (VSMMC), gi-monitor sa mga doktor. (AYB)


Source: Sun.Star Superbalita (https://www.sunstar.com.ph/article/1858523/Superbalita-Cebu/Balita/10-ka-pulis-sa-San-Fernando-gi-isolate-police-station-gi-lockdown?ref=rss&format=simple&link=link)

No comments