Recent Posts

Breaking News

1 patay sa pinusilay tali sa pulis, riding in tandem


USA ang patay samtang usa ang nadakpan atol sa pinusilay tali sa kapulisan ug riding in tandem pasado alas 10 sa Martes sa gabii sa Sityo Larima, Barangay Mambaling, Dakbayan sa Sugbo.

Ang duha nga gikapinusilay nisuway sa pagpanibat dihang namara ang mga pulis sa mga nagmotorsiklo.

Si Police Major Keith Allen Andaya, hepe sa Mobile Patrol Unit sa Cebu City Police Office (CCPO), niila sa namatay nga alyas Bata samtang nadakpan ang iyang kauban nga si Jesus Minoza.

Matod ni Andaya nga ang iyang nga sakop namara sa mga motorsiklo sa N. Bacalso venue dihang sila si Bata ninglikay pagkakita nila, daling namalik sa agi.

Nahitabo ang ginukdanay hangtod nga naabot sila sa sityo Larima.

Dihang na-corner na sila, si Bata giingong namusil sa mga pulis.

Gibaslan sila sa mga pulis hinungdan sa pagkaigo ni Bata ug pagkamatay diha-diha samtang si Minoza nitahan sa kapulisan.

Nasuta nila ni Andaya nga si Bata ang nimaneho sa motorsiklo.

Nagpadayon pa ang imbestigasyon sa kapulisan sa pagsuwat ning taho./BBT


Source: Sun.Star Superbalita (https://www.sunstar.com.ph/article/1858779/Superbalita-Cebu/Balita/1-patay-sa-pinusilay-tali-sa-pulis-riding-in-tandem?ref=rss&format=simple&link=link)

No comments