Recent Posts

Breaking News

1 ka dugang kaso sa Covid-19 sa Catmon


LAING kaso sa coronavirus disease (Covid-19) ang natala sa lungsod sa Catmon karong Lunes, Hunyo 29, 2020.

Ang bag-ong kaso mao ang 54 anyos nga lalaki nga taga Ilum, Barangay Catmondaan. Usa siya ka trabahante sa dakbayan sa Lapu-Lapu, matod sa lokal nga kagamhanan sa official Facebook page niini.

Base sa report sa lokal, mipakita ang pasyente og simtomas sa Covid-19 niadtong Hunyo 13, hinungdan nga gipaubos kini sa swab test sa Hunyo 24 ug nag positibo ang resulta niini.

Sa pagkakaron, gipaubos na sa estrikto nga isolation ang pasyente ug gisugdan na usab sa pangagamhanan ang pag contact trace sa mga nakahimamat sa pasyente.

Padayon ang panawagan sa lokal sa mga konstituente niini sa pagsubay sa health protocols, ug padayon nga pag boost sa immune system aron magpabilin nga himsog ang panlawas ug maiwas sa sakit.

Sa kinatibuk-an, nakatala na ug 11 ka mga positibong kaso ang lungsod, siyam niini ang aktibo, usa ang nakarecover ug usa sab ang namatay. (ANV)


Source: Sun.Star Superbalita (https://www.sunstar.com.ph/article/1861801/Superbalita-Cebu/Balita/1-ka-dugang-kaso-sa-Covid-19-sa-Catmon?ref=rss&format=simple&link=link)

No comments