Recent Posts

Breaking News

Tricycle patrol ni Paolo Duterte gipanghatag sa Davao


TANANG barangay sa unang distrito sa Davao City ang nakadawat og bag-ong traysikol nga maoy himuong tricycle patrol sa 54 ka barangay sa first district ning siyudad.

Usa kini ka inisyatibo ni Davao City First District Congressman Paolo "Pulong" Duterte ubos sa programang Pulong Pulong ni Pulong (PPP).

Kagahapon sa buntag, gipangdunol sa mga barangay kapitan ang moihap sa 18 ka mga traysikol kinsa mao ang unang batch sa programa.

"Tanang 54 ka barangay sa first district mahatagan nato kini pinaagi sa programa ni Congressman Paolo Duterte. Kini magsilbi ni siya nga tricycle patrol sa atong mga barangay," sulti ni James Vergara, ang representative sa buhatan ni Duterte.

Dako sab ang pasalamat sa mga kapitanes sa ilang nadawat nga tricycle diin suma nila dako kaayo kining tabang sa padayon nilang pagpatuman sa kahapsay ug kalinaw sa barangay.

Mosunod sa dili madugay ang pagpang-apud-apod sa ikaduhang hugna sa maong programa.


Source: Sun.Star Superbalita (https://www.sunstar.com.ph/article/1857336/Superbalita-Davao/Balita/Tricycle-patrol-ni-Paolo-Duterte-gipanghatag-sa-Davao?ref=rss&format=simple&link=link)

No comments