Recent Posts

Breaking News

Senior citizens tugotan maka-drive og tricycle?


ANG konseho sa dakbayan sa Lapu-Lapu nagplano nga mopasar og ordinansa nga tugotan nga makapamasahero og tricycle ang mga senior citizen bisan ubos pa sa general community quarantine (GCQ) ang dakbayan.

Kini ang gibutyag ni Konsehal Flaviano Hiyas ang majority floor leader sa konseho.

Matod ni Hiyas nga ilang nasuta uban sa mga kaubang konsehal atol sa ilang public hearing kalabot sa guidelines ug protocol nga tumanon sa pampublikong tranpostasyon sa dakbayan ning panahon sa GCQ nga ubay-ubay ang mga senior citizen nga namasahero sa dakbayan.

Gawas nga mga baskog kini, giisip usab nila nga exercise ang ilang pagmaneho sa ilang mga tricyle. Nabalaka si Hiyas nga kung dili sila tugotan mas aduna na unya silay pamation.

Nasuta usab ni Hiyas nga mao ra usab kini ang gisaligang panginabuhian sa pipila bisan kun mga senior citizens na sila hinungdan nga luoy usab ug mawagtangan sila ug panginabuhian.

Ubos sa executive order nga giluwatan ni Lapu-Lapu City Mayor Junard Chan sa pagpaubos sa GCQ sa dakbayan ang mga nagpangedaron ug 21-anyos paubos ug 60-anyos pataas ipaubos sa 24 oras unta nga curfew.

"Ug wa silay buhaton mosamot lang sila kasakit mas maayo ng mag drive sila ug tricycle kay maayo paman kuno ila mata maayo paman ilang panglawas, excercise pa nila at the same time makakwarta pud sila mao ni ato pagatan-awon daghan pa ni tukionon namo sa session," matod ni Hiyas.

Sa public hearing, inisyal usab mga nauyonan ang matag tricycle sa dakbayan tugotan nga makakarga og 2 ka pasahero sanglit dili makaya sa mga drayber kun ugaling 1 lang ang ilang pasahero.

Apan matod ni Hiyas kinahanglan gayud nga ipatuman ang pyhsical distancing sa drayber ug sa mga pasahero.

Aron masigurong matuman kini, pabutangan ug plastic barrier ang drayber ug ang duha ka pasahero sa tricycle.

Dili usab magtupad ang pasahero sa tricycle sanglit ang usa adto naman sa extension nga lingkoranan duol sa pultahan sa tricycle nga maoy sagad desinyo sa mga tricycle sa dakbayan. (GCM)


Source: Sun.Star Superbalita (https://www.sunstar.com.ph/article/1857988/Superbalita-Cebu/Balita/Senior-citizens-tugotan-maka-drive-og-tricycle?ref=rss&format=simple&link=link)

No comments