Recent Posts

Breaking News

Sec: Ayaw pailad sa fake news sa Kapa


NIPASIDAAN ang Securities and Exchange Commission (Sec) sa publiko nga dili mailad sa fake news bahin sa giingong pagbasura sa korte sa mga kaso batok sa Kapa-Community Ministry International (Kapa).

Ang Kapa nag-atubang og daghang kaso sa giingong pagpangilad ug kalapasan sa lagda sa Sec.

Ang Sec nipasabot pinaagi sa advisory nga pinetsahan og Mayo 21, nga ang mga kasong kriminal nga gipasaka batok sa Kapa sa kalapasan Republic Act No. 8799, o The Securities Regulation Code, nagpabiling aktibo.

"The SEC underscored that KAPA Founder and President Joel A. Apolinario, along with the group’s other officers, only managed to secure conditional and temporary liberty after posting bail," tipik sa pasidaan sa Sec.

Naaghat ang Sec sa pagluwat og pasidaan human ang mga nagsuporta sa Kapa ug ilang promoters nipakaylap og videos nga nagpakita kang Apolinario, kinsa nangangkon nga ang tanang kaso batok sa Kapa gibasura apan dakong bakak.

Ang Sec nagkanayon nga ang mga kaso batok sa Kapa nagpadayon.

Apan temporaryong gawasnon ang lider sa grupo dihang nakakuha og 'conditional and temporary liberty' human nakahatag og piyansa. (JOB)


Source: Sun.Star Superbalita (https://www.sunstar.com.ph/article/1857972/Superbalita-Cebu/Balita/Sec-Ayaw-pailad-sa-fake-news-sa-Kapa?ref=rss&format=simple&link=link)

No comments