Recent Posts

Breaking News

Retiradong pulis gipusil-patay


NAMATAY diha-diha ang usa ka retired nga pulis nga nadestino kanhi sa Cebu City Police Office (CCPO) human pusila mga alas 2:35 sa Huwebes sa hapon, Mayo 28, 2020, atubangan sa iyang balay sa sityo Camp Marina, Barangay Kalunasan, Dakbayan Sugbo.

Way nakakita sa gunman nga nipusil kang retired Police Master Sergeant Brazillio Borinaga, kinsa mokuha unta og kargamento sa iyang Mitsubishi Adventure nga iyang gi-park atubangan sa iyang balay.

Sila si Borina ug iyang asawa nga si Helen gikan nangompra. Didto na sud sa ilang balay si Helen dihang gipusil ang iyang bana.

Si Borinaga dunay mga samad sa ulo ug ubang bahin sa iyang lawas hinungdan nga namatay diha-diha.

Si Borinaga gibalhin pagdestino gikan sa Dakbayan sa Sugbo ngadto sa Kalinga, Apayao sa wa pa siya moretiro niadtong Hulyo 2019. (GPL/BBT)


Source: Sun.Star Superbalita (https://www.sunstar.com.ph/article/1858078/Superbalita-Cebu/Balita/Retiradong-pulis-gipusil-patay?ref=rss&format=simple&link=link)

No comments