Recent Posts

Breaking News

Plete sa taxi di na cash


KON hingpit nang padaganon ang mga transport network vehicle service (TNVS) ug taxi transport service sa Sugbo kon ugaling ipaubos na sa general community quarantine, "cashless" na ang new normal sa pagbayad.

Kini base na usab sa guidelines nga giluwatan sa Land Transportation Franchising and Regulatory Board (LTFRB) ubos sa memorandum circular 2020-018.

Ang pagpadagan usab niining matang sa pampubliko nga transportasyon magdepende sa rekomendasyon sa Inter-Agency Task Force for the Management of Emerging Infectious Diseases (IATF-EID) ug demand sa maong dapit.

"The existing policy of the Board for fare setting for TNVS and taxi shall apply. Fare collection shall strictly be through cashless payment or through online payment facility only," tipik sa memorandum base sa paagi sa pletehan sa TNVS ug taxi.

Mamahimo lang makabiyahe kadtong mga TNVS operators nga aduna'y valid certificate of public convenience (CPC) ug provisional authority nga giisyu sa LTFRB.

Alang sa TNVS gikahanglan nga ang booking ug pletehan niini, ipaagi og online ug electronic payment. Kinahanglan usab og aduna'y valid nga CPC ang taxi operators.

"Taxi units must be equipped with an internet/web-based Apps provided by an accredited TNC, for purposes of booking and online payment transaction," usa sa kondisyon sa memorandum.

Kon ugaling gipara ang taxi, mamahimo ra kini apan kinahanglan gihapon nga anaa ang electronic payment option alang sa mga pasahero. (HBL)


Source: Sun.Star Superbalita (https://www.sunstar.com.ph/article/1857720/Superbalita-Cebu/Balita/Plete-sa-taxi-di-na-cash?ref=rss&format=simple&link=link)

No comments