Recent Posts

Breaking News

Panakod sa Covid mipaspas; 15K nang natakdan


MGA pagpanakod sa coronavirus mipaspas pa hinuon, diin ang Department of Health (DOH) nakatala og 380 ka mga kaso sa nakalabay nga 24 oras nga naghatod sa kinatibuk-an sa 15,000 sa Pilipinas.

Nitala usab og double digit sa gidaghano sa nangamatay nga nisobra na sa 900.

Sa mga alas 4 sa hapon sa Miyerkules, Mayo 27, ang gidaghanon sa kompirmadong mga kaso sa pagpanakod nisaka ngadto sa 15,049, lakip na sa 904 nga nangamatay ug 3,506 ka recoveries.

Ang DOH nitala og dugang 94 ka mga pasyente nga naka-recover sa nakalabay nga 24 ka mga oras.

Ang 380 ka bag-ong mga kaso nilabaw sa ihap niadtong Martes nga niabot og 350. Sa Mayo lang, mao kini ang labing daghang mga kaso nga natala sud sa 24 oras.

Sa kinatibuk-an, dunay 10,639 ka aktibong mga kaso.

Si DOH Undersecretary Maria Rosario Vergeire niingon sa usa ka Laging Handa briefing sa Miyerkules nga ang ahensya nagpaabot sa pagsulbong sa kompirmadong mga kaso,

Siya niingon nga kini tungod sa nanguli nga overseas Filipino workers (OFW).

“Noong amin pong pinag-aaralan, may mga naidagdag po rito na numero ng mga OFWs na nag positibo at naidagdag sa datos natin,” butyag ni Vergeire .

“Hindi naman natin sinasabi na this is purely OFWs, nanggagaling pa rin po ito sa iba’t-ibang lugar sa ating bansa,” siya nidugang.

Sa tibuok kalibutan, ang novel coronavirus kun Sars-CoV-2, ni-infect sa kapin 5.4 milion ka mga tawo, diin dunay 343,514 ang nangamatay hangtod sa Mayo 26. (MVI, JTM, SunStar Philippines)


Source: Sun.Star Superbalita (https://www.sunstar.com.ph/article/1858022/Superbalita-Cebu/Balita/Panakod-sa-Covid-mipaspas-15K-nang-natakdan?ref=rss&format=simple&link=link)

No comments