Recent Posts

Breaking News

Palma: Ayaw pagpakawala sa paglaum, salig sa Ginuo


NAGSAULOG ang Archdiocese of Cebu ug ang tibuok Simbahang Romano Katoliko sa kalibotan sa kapistahan sa Pentekostes nga nagrepresentar sa bag-ong kinabuhi ug usa ka bag-ong sinugdanan.

Ug tukma kaayo kini sa pagpamalandong sa dakbayan ug lalawigan sa Sugbo nga pareho nang ubos sa general community quarantine (GCQ) sugod karon, Hunyo 1, 2020.

Si Cebu Archbishop Jose Palma, sa iyang homily, nagkanayon nga kon dili tungod sa sakit sa coronavirus disease 2019 (Covid-19), ang simbahan adunay usa ka dakong kasaulogan ang Archdiocese sa kapistahan sa Pentekostes.

Apan mapasalamaton gihapon si Palma nga posible pa ang pagsaulog sa santos nga misa sa kapistahan pinaagi sa pag-stream online.

Miingon siya nga ang tinuod nga kahulugan sa kapistahan mao ang adlawng natawhan sa pagdawat sa bag-ong kinabuhi alang sa simbahan.

"New life is first of all the awareness. Before God, we are sinners therefore new life is first of all the forgiveness of sins," ingon si Palma.

Ang kamatayon mao ang nakapalig-on sa katawhan sa ilawom sa kahimtang sa makamatay nga virus.

Gani, ang Vatican ingon man ang tanang mga simbahan sa tibuok kalibutan nga nag-ampo aron mahunong na ang pagkaylap sa maong virus, matod ni Palma.

Gihisgutan niya nga ang mga kamatayon nga nakaapekto sa katawhan karong panahon sa krisis; ang kamatayon sa mga tawo, ang pagkamatay sa ekonomiya, ug pagkamatay sa mga negosyo.

Uban sa pista sa Pentekostes, si Palma naglaum nga ang kamatayon dili mao ang katapusan apan nagpahinumdom kini nga mosalig sa Ginuo tungod siya ang kinabuhi.

Gipaambit usab niya ang pagkamatay ni Rizalino Raypan, ang amahan sa duha ka batan-ong mga pari, si Fr. Alvin ug Fr. Michael.

Iyang gipaambit nga ang inahan sa duha nga pari nag-ampo sa Diyos ug giingnan nga "Kung kuhaon nimo si Rizalino, kuhaa siya sa fiesta sa Pentekostes." Ug tuod man, gabii sa wala pa ang kapistahan mitaliwan si Rizalino.

Gipaambit usab ni Palma nga ang duha nga mga pari nag-ingon nga "Yes, bishop papa may be dead before the world but because we believe in spirit, we believe in God we know he's alive with God."

Sa kini nga istorya, matod ni Palma, ang panan-aw sa kamatayon lahi sa panan-aw sa mga matinuohon.

Samtang gisaulog sa Archdiocese ang bag-ong sinugdanan sa simbahan, sigon ni Palma nga ang pagsaulog sa pisikal nga santos nga misa mahinayon sa Hunyo 1, 2020.

"We will survive Covid-19 and we will also revive as a community," ingon Palma. (KFD)


Source: Sun.Star Superbalita (https://www.sunstar.com.ph/article/1858461/Superbalita-Cebu/Balita/Palma-Ayaw-pagpakawala-sa-paglaum-salig-sa-Ginuo?ref=rss&format=simple&link=link)

No comments