Recent Posts

Breaking News

OFW nanawagan nga makauli na


NANAWAGAN ang Sugbuanong repatriate nga si Jovy Quimque, kinsa nagtrabaho isip kusinero sa Cayman Islands, niabot sa Manila niadtong Abril 14 nga tugotang makauli na sa ilang dapit.

Gikuwarentina siya uban sa laing 66 ka repatriated overseas Filipino workers (OFW) nga taga Visayas, apan hangtod karon, nagpabilin ubos sa kuwarentina sulod sa usa ka barko sa 2GO sa puwerto sa Manila.

Atol ning pagsuwat, niabot na og 36 ka adlaw nga natanggong tali sa 14 ka adlaw lang unta ka adlaw nga kuwarentina sa incubation period alang sa coronavirus disease 2019 (Covid-19).

Matod ni Quimque, sila dili makapauli tungod sa resulta sa ilang diagnostic tests nga wala pa ma-release.

Ang grupo ni Quimque lakip sa gibanabana nga 18,000 OFWs nga gipaubos sa isolation sa hotels ug quarantine ships sa Metro Manila.

Sagad kanila nga lapas na sa 14 ka adlaw nga gikuwarentina.

Ang komon nila nga pangandoy - tugotan na nga makapauli na sa ilang pamilya.

“Ang tagal na mula nung may nakipag-coordinate sa amin galing sa gobyerno. May iniwan sa amin na number sa Owwa pero wala naman sumasagot. Sa ngayon hindi namin alam kung hanggang kailan pa kami dito. Sana makauwi na kami kasi nakaka-depress na talaga, nakakaburyong na,” matod ni Quimque.

Matod ni Quimque, dul-an sa 400 ka OFWs niabot sa nasod niadtong Abril 14 ug gidala sa 2GO ship nga nakadunggo sa Manila Port alang sa 14-day mandatory quarantine.

Human sa 14 ka adlaw, si Quimque niingon nga gipaubos sila sa rapid antibody test.

“May schedule na kami na alis ng barko papuntang Cebu noong May 2 kaso na-cancel kasi gusto silang gawin na swabbing test. Kaya na swab test kami nung May 7 until now wala pa kami result,” dason niya.

Ang swabbing gihimo sa pagkolekta sa specimen alang sa reverse transcription polymerase chain reaction (RT-PCR) test, diin mo-detect sa novel coronavirus, o Sars-CoV-2, usa ka highly infectious pathogen nga hinungdan sa Covid-19.

“Sabi nung kasamahan ko may certification na kami galling sa Bureau of Quarantine kaso hindi pa nire-release sa amin. Hindi namin alam kung bakit. Ang kinakatakot pa namin nandito kasi kami sa itaas ng barko, tapos nalaman namin merong mga bagong dumadating na dun sila sa ibaba ng barko. Pero kasi centralized ang aircon dito baka mamaya sila pa ang makahawa samin,” dugang niya.

Ang Bureau of Quarantine certification nagpasabot nga ang indibiduwal nakatapos sa 14-day quarantine ug kini naghatag og yawe sa pagbuhi na sa kuwarentina.

Nagpatabang si Quimque sa gobiyerno, labi na sa Sugbo, bahin sa ilang kahimtang.

“Sixty-seven kami dito puro kami taga Visayas at Mindanao kasi ‘yung mga taga dito sa Luzon mga nakauwi na,” pakiluoy ni Quimque.

Dugang ni Qujimque, daghang ubang OFW repatriates gipapaauli na human nag-abang pg van aron sila personal nga makakuha sa ilang diagnostic test gikan sa Philippine Red Cross.

“Paano sila pinayagan e kami dito ang higpit kahit na sandaling aapak kami sa lupa hindi namin magawa kasi hindi kami pinapayagan kaya nagtataka kami bakit ganun,” dugang niya. (SunStar Philippines)


Source: Sun.Star Superbalita (https://www.sunstar.com.ph/article/1857138/Superbalita-Cebu/Balita/OFW-nanawagan-nga-makauli-na?ref=rss&format=simple&link=link)

No comments