Recent Posts

Breaking News

Negusyante: Cebu City kinahanglan buksan


ISIP sentro sa patigayon, gikinahanglan sa Dakbayan sa Sugbo nga mobukas na.

Mao kini ang hangyo sa mga negusyante kang Mayor Edgardo Labella atol sa ilang panagtagbo sa Huwebes, Mayo 21, 2020.

Gitagbo ni Labella ang mga opisyal sa Cebu Chamber of Commerce and Industry (CCCI), Hotel Resort Restaurant Association of Cebu Inc. (HRRAC) ug daghan pa para pag-andam sa mga business establishment inig libkas sa enhanced community quarantine (ECQ) gumikan sa coronavirus disease 2019 (Covid-19).

Si Felix Taguiam, presidente sa CCCI, nipasabot nga kon modified ang ECQ o mahimong general community quarantine, angay na nga ibalik sa hinayhinay ang patigayon.

"It is really hard. I think exactly today, two months na that our employees are really suffering. Some are angry because they need to feed their family also. The business sector also need to reboot already kay bleeding nasad ang negusyante. We need to restart," padayag ni Taguiam.

Gipasabot sa presidente sa CCCI nga kon magpadayon nga sirado ang Cebu City, maglisod ang ubang negusyante sa ubang lalawigan sanglit ang siyudad maoy sentro sa negusyo.

"Manila is open, Cebu is closed. Manila is trying to bring goods already, Cebu is a trading hub. Apan unsaon pagpasulod nga wa pa man ta moabli? We have to open up. Other cities in the country are opening already and Cebu as the main driver as the center of the Philippines as the trading center. Without Cebu, everybody is suffering," dugang ni Taguiam.

Ang mayor gusto nga kon mominos na ang mga kaso sa Covid-19, inanay mosaka ang ekonomiya sa dakbayan.

"Atong gihisgotan unsay mga protocol para makapadayon unya sa mga negusyo sa nagkalainlaing industry sa dakbaya. Ug ato silang gipaminaw so that we can come up with the guidelines through our executive order para mapatunhay ug magpadayon ang atong ekonomiya," matod ni Labella.

Ang pagpatawag sa mayor ngadto sa hingtungdan nga sector gihangop sa mga negusyante.

Ang Cebu City kauban ang Mandaue ubos pa sa ECQ samtang ang Dakbayan sa Talisay ubos sa modified ECQ hangtod sa Mayo 31.

Gawas sa tulo, ang tibuok Sugbo ilawom na sa general commumity quarantine (GCQ). (PAC)


Source: Sun.Star Superbalita (https://www.sunstar.com.ph/article/1857263/Superbalita-Cebu/Balita/Negusyante-Cebu-City-kinahanglan-buksan?ref=rss&format=simple&link=link)

No comments