Recent Posts

Breaking News

Mga mayor sa NCR uyon sa GCQ, apan di pa sa bus, PUJ


MGA mayor sa Metro Manila nirekomendar sa paglugak ngadto sa general community quarantine human sa Mayo 31, apan nisugyot nga mga bus ug PUJ di lang una padaganon.

Si Jojo Garcia, general manager sa Metro Manila Development Authority (MMDA), nisulti sa Miyerkules, Mayo 27, nga ang mga mayor sa 16 ka mga siyudad ug usa ka munisipyo nagkauyon nga ang protocol sa social distancing lisod ipatuman sa mga bus ug PUJ.

"Ang hirap i-kontrol niyan. Lalo na ‘yung baba, sakay. 'Yung mga tao eh kung saan-saan na naman sasakay 'yan, hind mapa-practice 'yung physical distancing," siya nagkanayon.

Siya nipasabot nga gikinahanglan nga maglinya unta taliwa sa social distancing sa mga bus stop.

"Hindi na pwede kahit saan papara, sasakay ka. Pagiging spoiled na pagpara mo, 3 hakbang, bahay mo na. Hindi na pwede iyan. Kailangan pumila ka na sa mga bus stop, jeepney stop kasi mayroon na tayong tinatawag na physical distancing na 1 meter ano," dugang ni Garcia.

Ang rail transit system, ride-hailing services, taxi ug traysikol gitugotan sa mga dapit nga ubos sa GCQ kay mas sayon kining bantayan.

“Pero iyon pong ating mga TNVS (Transport Network Vehicle Service), taxi, tricycle, ayun po, okay na po ‘yon kasi kaya po nating i-monitor agad kung ilan ang laman niyan,” matod ni Garcia.

Siya nidugang nga tugtan ang pagbalik sa operasyon sa shuttle services ug point-to-point (P2P) buses kay diretsong hatod ang pasahero.

Ang Metro Manila, kun National Capital Region (NCR) ubos sa modified enhanced community quarantine (MECQ) hangtod sa Mayo 31.

Ang Inter-Agency Task Force for the Management of Emerging Infectious Diseases (IATF) nituki sa Miyerkules sa mga quarantine status sa nagkadaiyang mga dapit.

Si Department of the Interior and Local Government (DILG) Secretary Eduardo Año niingon nga si Presidente Rodrigo Duterte mohukom sa bisan unsang mga kausaban sa quarantine restrictions sa di pa ang Biyernes, Mayo 29. (SunStar Philippines)


Source: Sun.Star Superbalita (https://www.sunstar.com.ph/article/1858016/Superbalita-Cebu/Balita/Mga-mayor-sa-NCR-uyon-sa-GCQ-apan-di-pa-sa-bus-PUJ?ref=rss&format=simple&link=link)

No comments