Recent Posts

Breaking News

Mga bongga nga kasal gidili, 'new normal' sundon


GILIBKAS na sa kagamhanan ang ban sa kasal hinungdan nga ang wedding planners ug suppliers sa Sugbo ninghimo og lakang sa pagpauyon sa kabag-ohan.

Dili na tanan masunod ang gusto sa kaslunon apan mohaom usab sa lagda sa Inter-Agency Task Force for Emerging and Infectious Diseases (IATFEID) bahin sa bag-ong protocol sa Covid-19 pandemic.

Ang Waterfront Cebu City Hotel and Casino nisaysay sa SunStar Cebu nga makahimo gihapon sila sa pag-host sa tanang klase sa kasal ug dunay dakong bentaha sa ilang hotel.

"With Waterfront’s very large function halls, we definitely have an advantage in terms of new space requirements," tipik sa pamahatag sa tagdumala sa hotel.

Kini nunot usab sa bag-ong protocol nga giluwatan ni Cebu Archbishop Jose Palma niadtong Lunes, Mahyo 25, bahin sa mga kasal sa mga parokya ubos sa general community quarantine (GCQ) o modified enhanced community quarantine (MECQ).

Ang mga parokya kinahanglan nga mohimo lang og yano nga sermonyas uban sa ilang direktang pamilya ug usa ka set sa principal sponsors ang gitugotang motambong.

Subay sa kabag-ohan, ang Waterfront Cebu City Hotel and Casino nipasalig sa paglakip sa ilang pag-andam sa dapit mao ang social distancing ug uban pa.

"We will also come up with new and exciting menus which are being designed by our culinary team headed by our Corporate Executive Chef Giovanni Sias, our Executive Chef Alan Mathay and Executive Sous Chef for Banquet Kristhan Sijera when buffets no longer will be an option," dugang sa pamahayag. Ang hotel molusad usab sa unang Cebu Wedding Expo Online sa pagkutay tali sa suppliers, exhibitors ug clients lakip sa kaslunon.

"This is for us to deliver a wedding expo experience to soon-to-wed couples without leaving the comforts of their home and to help the Cebu wedding industry in this trying times," dason sa pamahayag.

Sila si Rabbie Arnejo ug Nigel Amistad, tag-iya sa Joshua Events and Party Services, nagkanayon nga kadaghanan sa ilang kliyente niuswag sa ilang petsa sa kasal ug nakahukom nga magpaabot kanus-an matapos ang Covid-19 pandemic.

"As advised, weddings are allowed but limited people can attend. Now this is quite challenging for us because when we say intimate, or immediate family during weddings. I think some couples would get wed without a wedding planner or probably weddings that were scheduled this year wi be rescheduled next year," asoy ni Arnejo sa SunStar Cebu. (JOB)


Source: Sun.Star Superbalita (https://www.sunstar.com.ph/article/1857993/Superbalita-Cebu/Balita/Mga-bongga-nga-kasal-gidili-new-normal-sundon?ref=rss&format=simple&link=link)

No comments