Recent Posts

Breaking News

'Killer' ni Silawan naghikog


NAPALGAN nga nagbitay ug wa nay kinabuhi si Renato Llenes sud sa infirmary cell sa Lapu-Lapu City Jail, Sityo Soong, Barangay Mactan, Lapu-Lapu sayo sa buntag sa Dominggo, Mayor 24.

Si Llenes maoy suspek sa pagluba patay ni Christine Lee Silawan, 17 ,kinsa napalgang sa hawan apan awaaw nga dapit sa Barangay Bankal, niadtong Marso 11, 2019.

Ang panit sa nawong ni Silawan gilaplap.

Si Llenes, kinsa nadakpan sa kapulisan, niangkon sa krimen ug nidetalye giunsa niya pagbuhat ang linuog nga krimen nga nakapakugang sa tibuok Sugbo.

Matod pa ni Jail Superintendent Jessie Calumpang nga gamit ang ginunting nga t-shirt nga gisapid-sapid maoy nagsilbing higot nga gibaat sa liog ni Llenes.

“Amo ni siyang gilahi (infirmary), wa namo gitipon (male dormitory) kay naa ni siyay threat sa uyoan adtong biktima (Silawan) nga napriso pud,” tug-an sa opisyal sa dihang nahinabi sa Superbalita Cebu.

Dugang pa ni Calumpang nga sigun sa kauban ni Llenes sa infirmary nga dugay na sige og padungogdungog nga maghikog sukad nasulod sa city jail. (FVQ)


Source: Sun.Star Superbalita (https://www.sunstar.com.ph/article/1857653/Superbalita-Cebu/Balita/Killer-ni-Silawan-naghikog?ref=rss&format=simple&link=link)

No comments