Recent Posts

Breaking News

Garcia: Sugbo adunay 3 ka bag-ong kaso sa Covid-19


TULO ka mga bag-o nga positibong kaso sa coronavirus disease (Covid-19) ang natala lukop lalawigan sa Sugbo Martes, Mayo 26, 2020.

Ang tulo ka mga kaso na apod-apod sa dakbayan sa Talisay, Malabuyoc ug San Fernando, matod ni Gobernador Gwendolyn Garcia atol sa press conference sa kapitolyo.

Ang bag-ong kaso sa dakbayan sa Talisay mao ang 46 anyos nga lalake, samtang 39 anyos nga lalaking inmate ang natala sa San Fernando.

Nakatala ug unang kaso sa Covid-19 ang lungsod sa Malabuyoc. Mao kini ang 59 anyos nga lalaki ug usa ka dialysis patient.

Gipahibaw ni Garcia nga ang pasyente sa Malabuyoc nakabsan na sa kinabuhi sa Mayo 23.

Sa kinatibuk-an, moabot na sa 126 ka mga kaso ang natala sa lalawigan sa Sugbo. (ANV)


Source: Sun.Star Superbalita (https://www.sunstar.com.ph/article/1857823/Superbalita-Cebu/Balita/Garcia-Sugbo-adunay-3-ka-bag-ong-kaso-sa-Covid-19?ref=rss&format=simple&link=link)

No comments