Recent Posts

Breaking News

Entoma moretiro; gihulipan isip Negros Oriental police chief


BAG-O na ang hepe sa kapulisan sa Probinsya sa Negros Oriental sugod Huwebes, Mayo 28, 2020.

Gihulipan sa katungdanan si Police Colonel Julian Entoma, kinsa moretiro na sa serbisyo sa Agusto.

Ang mohulip sa iyang pwesto mao si Police Colonel Arnel Banzon, kanhi hepe sa Regional Investigation and Detective Management Division-Central Visayas.

Matod ni Police Brigadier General Albert Ignatius Ferro, director sa Police Regional Office-Central Visayas nga mag non-duty status na si Entoma pangandam sa pagretiro.

Iyang mando kang Banzon mao ang pagsulbad sa media killings sa siyudad sa Dumaguete.

Si Banzon sakop sa Philippine National Police Academy (PNPA) class of 1996 samtang si Entoma sa PNPA class of 1991. (AYB)


Source: Sun.Star Superbalita (https://www.sunstar.com.ph/article/1858065/Superbalita-Cebu/Balita/Police-Colonel-Julian-Entoma-moretiro-gihulipan-isip-Negros-Oriental-police-chief?ref=rss&format=simple&link=link)

No comments