Recent Posts

Breaking News

Dugang 20 ka kaso sa Covid-19 natala sa Cebu Province


BAYNTE ka mga bag-o nga positibong kaso sa coronavirus disease (Covid-19) ang natala lukop lalawigan sa Sugbo sa Mayo 22 sa gabii ug Mayo 23 sa hapon.

Mao kini ang gipahibaw ni Gobernador Gwendolyn Garcia atol sa press conference sa kapitolyo.

Ang 20 ka mga kaso na apod-apod sa dakbayan sa Talisay nga may 12 ka mga bag-ong kaso ug usa ang repeat test; Lungsod sa Minglanilla nga nakatala ug tulo ka mga kaso nga nagagikan sa usa ka compound; Consolacion (1); Pinamungajan (1); Carmen, usa ka 37 anyos nga taga Barangay Baring; Tabuelan, usa ka 77 anyos nga taga Barangay Poblacion; ug Samboan diin usa ka bag-o lang natawo nga bata ang mipositibo sa coronavirus.

Sa kinatibuk-an, moabot na sa 105 ka mga kaso ang natala sa lalawigan sa Sugbo.


Source: Sun.Star Superbalita (https://www.sunstar.com.ph/article/1857472/Superbalita-Cebu/Balita/Dugang-20-ka-kaso-sa-Covid-19-natala-sa-Cebu-Province?ref=rss&format=simple&link=link)

No comments