Recent Posts

Breaking News

Amay Abella mitaliwan na


MITALIWAN na sa laing kalibutan kaganinang buntag si Atty. Marie Velle "Amay" Abella, 35, kinsa nagpapili sa pagkakonsehal sa south district sa dakbayan sa Sugbo ilawom sa BOPK niadtong 2019 elections ug nahimutang sa ika-9 nga pwesto.

Siya ang kanhi OIC department head sa Human Resource Development Office (HRDO) sa panahon ni kanhi mayor Tomas Osmeña.

Si Abella aduna nay gihambin nga balatian dihang anaa pa siya sa Cebu City Hall hangtod nga gikuha siya ni Osmeña isip usa sa iyang kandidato pagkakonsehal sa niaging tuig apan wala gipalad.

Hangtod ning pagbalita, wala pa matino ang sakit nga maoy hinungdan sa iyang pagtaliwan.

Apan sa Facebook post ni Congressman Bebot Abellanosa nga sakop sa BOPK, siya nakadungog nga adunay multiple organ failure human ang gall stones nakamugna og pancreatitis nga niapekto sa kidney ni Abella apan iyang giklaro nga dili pa kini kumpirmado. (PAC)


Source: Sun.Star Superbalita (https://www.sunstar.com.ph/article/1857796/Superbalita-Cebu/Balita/Amay-Abella-mitaliwan-na?ref=rss&format=simple&link=link)

No comments