Recent Posts

Breaking News

54 ka Davaoenos stranded dinhi sa Sugbo mipauli na


NIKABAT sa 54 ka Davaoenos, lakip sa 20 ka blind therapists, ang nakasakay na sa barko sa Dominggo, Mayo 24, human natanggong dinhi sa Sugbo sulod sa duha ka buwan tungod sa Covid-19 lockdown.

Matod ni Girlie Veloso, senior staff sa Office of the Presidential Assistant for the Visayas (Opav), kadaghanan kanila dugay nang gusto mopauli sa ilang dapit human nawad-an sa trabaho.

Ang grupo gipasakay sa Super Shuttle Roro 10 padulong sa Cagayan de Oro diin sila kuhaon sa sakyanan nga gitagana sa kagamhanan sa dakbayan sa Davao aron ihatod sa ilang tagsatagsa ka dapit.

Kini nahimo tungod sa pakig-alayon sa mga ahensiya sama sa Philippine Coast Guard, Marina 7, Department of Social Welfare and Development (DSWD) 7, Police Regional Office (PRO) 7, Department of Interior and Local Government (DILG) 7, Department of Health (DOH) 7, Department of Labor and Employent (Dole) 7, Office of the Civil Defense (OCD) 7 ug Cebu Ports Authority (CPA). (JOB)


Source: Sun.Star Superbalita (https://www.sunstar.com.ph/article/1857568/Superbalita-Cebu/Balita/54-ka-Davaoenos-stranded-dinhi-sa-Sugbo-mipauli-na?ref=rss&format=simple&link=link)

No comments