Recent Posts

Breaking News

5 ka mananagat sa Barili naluwas


NALUWAS ang lima ka managsilingan nga mga mananagat sa barangay Japitan, lungsod sa Barili nga giingong nadala sa sulog sa dagat niadtong Lunes sa alas 11:30 ang takna sa gabii.

Matod pa nga nanidsidd ang lima sa baybayon sa wala pa ang hitabo apan napadpad kini sa sulog sa nagtaob nga dagat.

Ang nalandig sa tambalanan human maluwas mao sila si Mike Vergara, John Marie Palis, Romel Abellar, Roel Carvajal ug Angelo Alquizalas, pulos taga barangay Maghanoy sa maong lungsod.

Matod ni Police Captain Janus Giangan, hepe sa Barili Police Station nga nahinabi sa Superbalita-Cebu, nga usa sa lima kinsa giingon nga dili makahibalo nga molangoy ang gikatahong aksideting napunta sa halawom nga dapit.

Tungod niini, ila gilayong kining gitabang taliwala sa kangitngit sa palibot apan naglisod sila sa dihang gianod sila sa kusog nga sulog sa tubig sa dagat nga nagtaob na niadtong higayuna.

Nakasinggit ug nangayog sila og panabang sa mga residente nga nagpuyo haduol sa baybayon. Tuod man pipila ka mga residente ang daling miresponde samtang aduna usay nanawag og rescuer sa lungsod nga maoy miluwas kanila.

Matod pa ni Giangan, nga gihatagan gilayon og first aid ang mga biktima dihang nadala sa ilang tambalanan.

Gibutyag niini nga kadagabii managat ang mga biktima diha sa maong lugar.

apan naabtan lang sila sa disgrasya swerte dunay mga residente nga daling miabag, og nanawag sa mga rescuer. (GPL)


Source: Sun.Star Superbalita (https://www.sunstar.com.ph/article/1855228/Superbalita-Cebu/Balita/5-ka-mananagat-sa-Barili-naluwas?ref=rss&format=simple&link=link)

No comments