Recent Posts

Breaking News

41 anyos nga lalake wa kabayad sa utang, gipatay


TUNGOD sa wa bayri nga utang nga P1,200, gipatay sa 35-anyos nga lalake ang iyang higala mga pasado alas 10 sa Biyernes sa gabii, Mayo 22, 2020.

Patay nang nakaplagan mga alas 5 sa buntag sa Sabado, Mayo 23, sa iyang pamilya si Randy Aguirre, 41, likod sa ilang tindahan sa Don Jose Velez Riverside English, Barangay Guadalupe, Dakbayan sa Sugbo.

Duna siyay ginulgolan sa liog gamit ang kutsilyo.

Ang suspek nga si Jecery Monino, 35, ulitawo, usa ka residente sa Sityo Riverside, Barangay Guadalupe, nailhan tungod sa kuha sa close circuit television (CCTV).

Nadakpan gilayon siya sa kapulisan.

Sa interview sa Superbalita Cebu, si Monino niingon nga anam-anam ang pagpangutang ni Aguirre kaniya.

Iya kining gisugdan og paningil sa pagsugod sa general community quarantine niadtong Marso 16, apan singhagan lang siya.

Matod ni Monino nga wa na siya makaaguwanta, iyang napatay ang iyang higala. (GPL)


Source: Sun.Star Superbalita (https://www.sunstar.com.ph/article/1857456/Superbalita-Cebu/Balita/41-anyos-nga-lalake-wa-kabayad-sa-utang-gipatay?ref=rss&format=simple&link=link)

No comments