Recent Posts

Breaking News

40 bag-ong kaso sa Covid sa Cebu City


DUNAY 40 ka bag-ong mga kaso sa coronavirus disease 2019 (Covid-19) sa dakbayan sa Sugbo, Mayo 22, 2020.

Ang siyam niini gikan sa Cebu City Jail samtang ang uban gikan sa 15 ka mga barangay.

Samtang duha ka mga pasyente sa Covid ang naka-recover na kagahapon human masuta nga sila laboratory negative sa novel coronavirus.

Base sa lista nga gipagawas gikan sa buhatan ni Cebu City Public Information Officer Razel Cuizon, gikan sa Punta Princesa ang 4 nga positibo; Camputhaw (3); Calamba (1); Sawang Calero (1); Pasil (2); Luz (4); San Nicolas Proper (1); Duljo (2); Mambaling (2); Labangon (3); Sambag 1 (1); Suba (1); Guadalupe (2); Sambag-2 (2); Bulacao(1) ug Bacayan (1) .

Si Mayor Edgardo Labella nimando na sa mga personnel sa City Health Department, Local Disaster Risk Reduction and Management Office ug ubang personnel para pagbalhin kanila sa barangay isolation center (BIC).

Sa kinatibuk-an, niabot na og 1,854 ang nataptan sa Covid-19 , 116 ang recoveries ug 19 ang nangamatay.

Mandaue City

Gibalhin na ang 100 ka mga pasyente nga nagpositibo sa coronavirus disease (Covid-19) ngadto sa managlahing mga quarantine facility sa Dakbayan sa Mandaue sa Huwebes sa gabii, Mayo 21, 2020.

Ang 95 ka mga pasyente mga piniriso sa Mandaue City Jail gibalhin na sa bag-ong city jail facility nga gihimong isolation center facility sa Sitio Dungguan, Barangay Labogon, Mandaue City.

Ang lima ka mga nagpositibo niadtong Mayo 21, Huwebes, taga Sitio Asinan, Barangay Mantuyong, gibalhin na sa Mandaue City Central quarantine facility.

Si Atty. John Eddu Ibaûez, executive secretary ni Mandaue City Mayor Jonas Cortes, niingon nga ang sagad sa maong mga pasyente asymptomatic.

Ang mga piniriso nga nagpositibo sa Covid-19 gipakaligo una gipagawas sa Mandaue City Jail ug nag-face mask kini paingon sa bag-ong pasilidad.

Matod pa ni Ibanez nga ang mga pusas ug ang sakyanan nga gigamit sa pagbalhin sa 95 ka mga piniriso gi-disinfect.

Gibalhin ang mga piniriso sa bag-ong pasilidad aron makapahuway og tarong ug hamugaway ilang pamati, matod ni Ibanez.

Samtang, ang mga pasyente sa Barangay Mantuyong nga gibalhin sa Mandaue City Central pamilya sa unang nagpositibo sa Barangay Mantuyong, kinsa mitaliwan na.

Sa wala pa sila gibutang sa quarantine facility, gipailawom una sila sa tests. Nahiluna ang lima ka pasyente sa "asymptomatic wing" diin didto ibutang ang walay simtomas.

Gi-cordon sab ang tibuok eskina sa Mandaue City Central sa may dan Catalino LL. Ouano, Barangay Centro sukad nabalhin kining mga nagpositibo.

Wala na kini paagii sa mga sakyanan apan mamahimo pang makaagi ang mga tawo sa atbang nga sidewalk.

Gitagaan sab ang mga pasyente og personal essential kit sama sa balde, kabo, plato, tissue, pajama, bedsheet ug uban pa.

Lapu-Lapu

Siyam ang bag-ong mga kaso sa Covid-19 sa Dakbayan sa Lapu-Lapu niadtong Huwebes.

ka mga indibidwal ang nag positibo sa coronavirus disease Covid-19 sa dakbayan sa

Kini ang gipahibawo ni Lapu-Lapu City Mayor Junard Chan.

Ang siyam napaubos sa Polymerase Chain Reaction (PCR) test human nagpositibo sa rapid diagnostic test sa kagamhanan.

Sa kinatibuk-an, moabot sa 112 ang inisyal nga nag positibo sa RDT sa kagamhanan apan ang ang siyam lang ang nagpositibo sa confirmatory test pinaagi sa PCR.

Dali usab nga gikuha kagamhanan ang mga nagpositibo ug gi-isolate na sa ilang mga kabanay ug silingan.

Samtang gipaubos usab sa lockdown ang mga lugar kung diin sila nanimuyo aron kalikayan ang pagkatap sa Covid-19.

Sa mga nagpositibo, lima niini taga Sitio Santa Maria, Brgy Pusok; Sitio New Lipata, Brgy Pusok (1); Brgy Ibo (1); Brgy Babag (1) ug Brgy Punta Engaûo (1) nga mitaliwan na, sumala pa ni Chan.

Sa kinatibuk-an moabot na sa 69 ang kaso sa Covid-19 sa dakbayan sa Lapu-Lapu ug moabot sa 27 ang nakarekober.

Apan aduna usay 3 nga namatay. (PAC, KFD, GCM)


Source: Sun.Star Superbalita (https://www.sunstar.com.ph/article/1857386/Superbalita-Cebu/Balita/40-bag-ong-kaso-sa-Covid-sa-Cebu-City?ref=rss&format=simple&link=link)

No comments