Recent Posts

Breaking News

30 ka tawo wa'y dalang quarantine pass, sikop


MATANAO, Davao del Sur -- Traynta ka mga indibidwal ang nasikop sa kapolisan atol sa duha ka adlaw nga dinakpanay niining lugar.

Nag-alayon ang puwersa sa Matanao Municipal Police Station ug mga personahe sa 2nd Company sa Davao del Sur Provincial Mobile Force Battalion atol sa implementasyon sa mga polisiya ilawom sa general community quarantine (GCQ).

Sumala ni Captain Rhuel Barachina nga sagad sa mga nadakpan migawas ug nagbaklay-baklay sa merkado publiko nga wa'y dalang quarantine pass hinungdan nga nasikop niadtong adlaw'ng Sabado ug Dominggo.

Ang mga nadakpan gitakdang magbayad sa ilang multa ngadto sa Municipal Treasurers Office ug mopahigayon sab og lima ka adlaw nga community service.

Giklaro sa kapolisan nga ilang dakpon ang mga mosupak sa GCQ guidelines aron malikayan ang pagkuyanap sa Covid-19. (Orlando B. Dinoy)


Source: Sun.Star Superbalita (https://www.sunstar.com.ph/article/1857678/Superbalita-Davao/Balita/30-ka-tawo-way-dalang-quarantine-pass-sikop?ref=rss&format=simple&link=link)

No comments