Recent Posts

Breaking News

2 ka barangay konsehal nanigbakay, dakpan


Duha ka mga barangay konsehal nasikop sa kapulisan atol sa tigbakay mga alas 5:30 sa hapon sa Huwebes, Mayo 7, sa Brgy. Candabong, lungsod sa Dumanjug.

Apil sa nadakpan ang menor de edad nga pag-umangkon sa usa sa mga konsehal.

Gipusasan sila si barangay konsehal Rogelio Mayonila, 38, minyo ug konsehal Mark Gil Bendanillo, 35 ug ang 17 anyos nga si Giov (di tinuod nga ngan).

Si Major Ardioleto Cabagnot, hepe sa Dumanjug Police Station nga nahinabi sa Superbalita Cebu, nagkanayon nga nakadawat sila'g tawag sa mga nagpakabanang residente kabahin sa tigbakay.

Sa ilang pag-abot, kapin sa 30 ka mga tawo ang nagkatibuwaag pagpanagan.

Ang duha ka mga opisyal sa barangay nadakpan.

Diha na sila mahibawo si Cabagnot nga barangay officials ang duha sa ila nang pag-imbestigar.

Si Mayonila igsuon ni Barangay Captain Placido Mayonila.

Ang kapitan nanghimakak nga nasayod siya sa tigbakay. (GPL)


Source: Sun.Star Superbalita (https://www.sunstar.com.ph/article/1855584/Superbalita-Cebu/Balita/2-ka-barangay-konsehal-nanigbakay-dakpan?ref=rss&format=simple&link=link)

No comments