Recent Posts

Breaking News

2 bag-ong kaso sa Covid-19 sa Mandaue


DUHA ka bag-ong kaso sa Covid-19 ang natala sa Dakbayan sa Mandaue Miyerkules, Mayo 6, 2020, base sa taho sa Mandaue City Public Information Office.

Nunot niini, nisaka na sa 92 ang kinatibuk-ang ihap sa kaso sa Covid-19 sa dakbayan.

Ang bag-ong duha ka pasyente pulos molupyo sa Sitio Gumanela sa Barangay Opao diin ang usa 9 anyos nga lalaki ug ang usa 37 anyos nga babaye.

Kasamtangang gi-admit karon sa UCMed ang duha ka mga pasyente nga may koneksiyon sa ika-17 nga pasyente sa Mandaue.

Gi-kordon ug gi-disinfect na sa city health office sa Mandaue ang panimalay sa duha ka mga pasyente ug gimandoan ang mga kabanay niini nga mupaubos sa striktong home quarantine. (NET)


Source: Sun.Star Superbalita (https://www.sunstar.com.ph/article/1855351/Superbalita-Cebu/Balita/2-bag-ong-kaso-sa-cornavirus-disease-2019-sa-Mandaue-City?ref=rss&format=simple&link=link)

No comments