Recent Posts

Breaking News

1 patay, 1 missing human naanod sa sapa


ORMOC CITY, Leyte -- Usa ang patay ug usa ang missing sa dihang gianod sa kusog nga bul-og sa tubig sapa ang duha na tawo.

Ang insidente nahitabo sa Sitio Pikas, Barangay Liloan ning dakbayan, pasado alas 3:30 sa hapon, Sabado, Mayo 23,2020.

Giila ang mga biktima nga sila si Rogelio Balunan, 63, minyo ug Gerald Kent Balunan, 23, pulos nagpuyo sa samang lugar.

Ang Police Station 3 nakadawat og tawag bahin sa insidente ug dali nga girespondihan pinangulohan ni Police Major Reynaldo Honrado.

Base sa iniyal nga imbestigasyon, nanguha og kinhason ang duha ka biktima sa dihang aksidente kini nga naanod.

Nanawag usab og rescue team ang pamilya sa biktima alang sa rescue and retrieval operation sa duha ka biktima.

Nianang alas 6 sa gabi, narekober sa mga rescuers si Rogelio apan wala na kink kinabuhi samtang padayun nga gipangita si Gerald Kent.

Medisisyon ang rescue team nga ipadayun sa mo sunod nga adlaw ang operasyon tungod sa kangit ngit na sa palibot.

Sa paghimo ning balita, padayun pa ang pagpangita sa usa nga missing. (JKDP)


Source: Sun.Star Superbalita (https://www.sunstar.com.ph/article/1857546/Superbalita-Cebu/Balita/1-patay-1-missing-human-naanod-sa-sapa?ref=rss&format=simple&link=link)

No comments