Recent Posts

Breaking News

Meco, MCWD giawhag sa konseho sa Lapu-Lapu sa pagpapas sa multa



MIPASAR og resolusyon ang konseho sa dakbayan sa Lapu-Lapu nga nag-awhag sa Mactan Electric Company (Meco) ug Metropolitan Cebu Water District (MCWD) nga wagtangon ang surcharge o penalty sa ilang mga konsumidor human nga nadelatar ang pagbayad sukad sa miaging Marso 2020.

Si Konsehal Rico Amores maoy nangamahan sa naasoyng resolusyon atol sa special session sa konseho niadtong Miyerkules, Abril 15.

Matod ni Amores iyang nahunahunaan ang pag-file niini sanglit iyang nakita unsa kalisod ang mga Oponganon karong panahona nga anaa pa ang krisis nga mugna sa Coronavirus disease Cocvid-19.

Gawas pa niini kung mahimo sa Mayo 27 na usab mobayad sa ilang bayranan ang mga konsumidor.

Gikan sa Marso 27 hangtod sa sayo 27 ang nalatid sa re solusyon nga petsa nga wagtangon ang surcharges sa mga konsumidor.

Kahinumdoman nga Marso 29 gisugdan sa kagamhanan sa dakbayan ang ilang ECQ ug motapos sa Abril 28, 2020 kung dili kini lugwayan sa kagamhanan.

Pagpasabot ni Amores nga kun ugaling dili na malugwayan ang Enhanced Communiitryu Quarantine (ECQ) sa dakbayan sa Abril 28, hayan ang usa ka buwan nga lugway igo na kaayo nga makapangita og kwarta ang usa ka konsumidor aron ibayad sa iyang bayranan.

Nasayran nga ubay-ubay sa mga Oponganon ang nawagtangan ug trabaho ug tarong nga pangita nunot sa pagpaubos sa ECQ sa dakbayan.

Nanghinaot si Amores nga unta mosanong ang MCWD ug Mecosa hangyo sa konseho sanglit wala gayud tuyoa sa mga konsumidor ang ilang kalisod karon nga bunga sa hulga sa Cocid-19.

“Granting dili ma extend ang ECQ April 28 mangita pa baya ug trabaho unya kung makatrabaho gali dili pa kasweldo unya duna pay bayranan lain tungod atong ECQ nga walay kita so sakto rani ang March 27 to May 27 nga bayranan nila,” matod ni Amores. (GCM)



Source: Sun.Star Superbalita (https://www.sunstar.com.ph/article/1852797/Superbalita-Cebu/Balita/Meco-MCWD-giawhag-sa-konseho-sa-Lapu-Lapu-sa-pagpapas-sa-multa?ref=rss&format=simple&link=link)

No comments