Recent Posts

Breaking News

Ginang gipusil

ASAWA nga nakig video call sa iyang bana gipusil sa wala mailhing gunman sa Cabatingan Compound, Barangay Maguikay, Mandaue City alas 6:45 sa buntag Huwebes, Abril 9, 2020.

Giila ang biktima nga si Rosinda Pantonial, 43, minyo ug taga Cabatingan Compound, Mandaue City.

Sigon ni Police Staff Sergeant Richard Cabello, ang imbestigador sa maong kaso, miingon sa Superbalita Cebu nga si Pantonial naglingkod sa purtahan sa iyang balay.

Nakig-videocall kini sa iyang bana nga OFW niadtong orasa.

Ug sa dihang ang gunman gipusil ang maong biktima katulo ka higayon.

Sigon ni Cabello nga wala kini kauban ang maong gunman gani nagdagan lang kini human niya gipusil ang maong biktima.

Nakaangkon og pinusilan sa dughan diin nilapos kini sa iyang buko-buko ug samdan sab ang kamot niini.

Daling gidala sa ospital ang biktima.

Sa pakighinabi sa Superbalita Cebu ni Cabello sigon niini nga personal grudge ang gitan-aw nila nga anggulo sa motibo sa maong suspek.

Dugang niya nga stable na ang kahimtang sa maong biktima apan wala pa kini nila makuhai sa iyang statement tungod ang pamilya lang una sa biktima ang gipabisita sa biktima

Padayon gihapon ang imbestigasyon sa kapulisan aron masuta ang motibo sa pagpamusil. (KFD)

Source: Sun.Star Superbalita (https://www.sunstar.com.ph/article/1852011/Superbalita-Cebu/Balita/Ginang-gipusil?ref=rss&format=simple&link=link)

No comments