Recent Posts

Breaking News

E-Dalaw labing una sa MisOr jail

PORMAL nga gilusad ang E-Dalaw o electronic dalaw gipaagi sa zoom/web conference nga labing una nahitabo sa kasaysayan sa Misamis Oriental Provincial Jail (MOPJ) karon nga anaa ang risgo sa Covid 19.

Mapasalamaton si Misamis Oriental Governor Bambi Emano sa ideya ni provincial library head Richel Pajara kung diin dili na kinahanglan nga personal mobisota ang mga pamilya ngadto sa prisuhan labina nga ginadili karon panahona apan pwede na nila maestorya ang ilang mga minahal pinaagi sa online o video chat.

“Karon nga nakigbatok ta sa Covid. This is the best gift nga atong mahatag sa mga binilanggo,” matud ni Emano.

Ang Department of Information and Communications Technology (DICT) midonar og 2 computer sets ngadto sa Provincial Library nga gitunol usab sa buhatan ngadto sa MOPJ aron karon magamit sa mga priso nga matawagan ang ilang mga minahal sa kinabuhi.

Ang Smart Communication sab maoy naghatag og kusog nga internet connection.

“One way of showing our support to the province by providing connectivity. Very emotional and heartwarming ang atong first connectivity. Willing pod mi mo-support sa LGU as long as we have the capability to stay connectivity with the people in all walks of life,” matud sa digital officer sa PLDT Smart Communications nga si Bernie Deatras.

Mapasalamatan og dako ang priso sa paghatag og importansya sa gobyerno daw taliwala sa ilang estado.

“Kami nagpasalamat nga despite sa among estado naghatag mo og aleternative nga we are very important, gihatagan mi og higayon nga makakita sa among minahal sa gawas. Daghan salamat sa pagmahal sa amoa gihatagan mi og importansya,” matud sa usa ka priso nga maoy labing unang nakabenipisyo sa E-Dalaw.

Samtang ang sakop sa pamilya sa usa ka priso mapasalamatan usab niini nga ideya aron ilang makita ug malantaw ang ilang minahal sa kinabuhi ug mawala ilang kabalaka.

“Dako ang among pasalamat ining inyong gibuhat kay makita namo ug mahibaloan ang sitwasyon sa among mahal nga ig- agaw bisan di maduaw mawala among kamingaw,” matud ni Mary Jane Amora usa sa pamilya sa priso ug miingo nga dili lang pinansyal, spiritwal apan emosyonal ang gihatag sa kapitolyo.

Malaumon si Emano nga gamiton kini sa insakto. Walay pihigon ug tanan nga priso makagamit niini subay sa mga giandam nga rules unsaon sa pagamit niini.

Gipasalamatan niini ang tanan sa malampuson nga paglusad sa E Dalaw nga gipaagi sa zoom o web conference.

Source: Sun.Star Superbalita (https://www.sunstar.com.ph/article/1851913/Superbalita-Cagayan-de-oro/Balita/E-Dalaw-labing-una-sa-MisOr-jail?ref=rss&format=simple&link=link)

No comments