Recent Posts

Breaking News

Ravena, aguilar iya-iya’g diskarte pagtabang

Ravena, aguilar iya-iya’g diskarte pagtabang

Emmanuel B. Villaruel (Banat) – March 21, 2020 – 12:00am

CEBU, Philippines — Sila si Keifer Ravena ug Japeth Aguilar iya-iya og diskarte sa paghatag og tabang sa mga Pinoy ning panahon sa krisis ug kritikal nga sitwasyon nga giatubang dili lamang sa nasud, apan hasta sa tibuok kalibotan.

Kauban ang iyang pamilya, si Ravena nanghatag og pagkaon sa pipila ka mga military checkpoints didto sa Cainta, Rizal niadtong Huwebes.

Mao kini ang ilang pamaagi pagsuporta sa mga sundalo nga nagtrabaho og taas nga oras aron pagkontrolar ug pagpahapsay sa sitwasyon.

“Important din na makatulong tayo sa mga frontliners ng COVID-19 kasi sila yung talagang nag sasacrifice ng health nila para sa health ng buong bansa. Kaya sobrang naappreciate namin ng family ko yung mga ginagawa nila,” matud pa sa 26-anyos nga si Keifer.

“Kahit yung mga health workers, nurses, doctors, scientists, and everyone grabe pasasalamat namin sa kanila and bukod sa dasal, ganito nalang yung matutulong namin sa kanila,” dugang pa niya.

Kauban ni Keifer sa iyang kawang-gawa ang amahan niyang si Bong, inahan nga si Mozzy, iyang igsuon nga sila si Thirdy ug Dani ug uyab nga si Alyssa Valdez.

Sa iyang bahin, si Aguilar ug ang iyang asawa nga si Cassy nagpasiugda  og fund-raising drive sa online aron makapalit og face masks sa mga health workers. 

“Cassy and I are crowd-funding for more donations to purchase face masks for our health workers. We pledge to donate 2,000 pieces. Any amount would go a long way,” kanayon pa ni Aguilar sa iyang Instagram.

Source: Banat by Philstar.com

No comments