Recent Posts

Breaking News

Sekreto ni Lolo human sa siglo


SA pag-abot sa usa ka tuig malisod sa pagkakaron, apan tungod sa maayong pagpakabuhi sa nanganing henerasyon, dunay naabot sa maong edad ug subra pa gani. Ang kuwestiyon sa iyang kinabuhi, dunay ba siyay sekreto sa taas na kinabuhi?

Usa ka yano nga tubag gikan ni Lolo Jose (dili tinuod ngalan), dihang gipangutana sa sekreto sa iyang pa-abot og 100 years old,

“Utan ug isda ra gyud,” matod ni Lolo Jose nga kanunay nga motan-aw sa positibo nga bahin sa kinabuhi.

Usa siya ka yanong trabahante kaniadto ug nagsuporta sa edukasyon sa iyang mga anak.

Pagkadungog ni Lolo Jose sa balita, wa kapugong sa pagpadagayday sa kalipay human nadawat ang kuwarta gikan sa kagamhanan.

Dihang gipangutana og unsaon niya ang kuwarta, kini malipayon nisulti nga “ipalit og bugas ug sud-an.

Lakip sa pagpaayo sa lawas sa iyang anak nga babaye.

Daghang centenarians di sama ka kahimsog ni Lolo Jose, apan gihatagan gihapon og centenarian cash gift.

Ubos sa Republic Act No. 10868 or Centenarian Act, ang Filipinos nga moabot og 100 years ang edad hatagan og cash gift nga P100,000 pinaagi sa Department of Social Welfare and Development (DSWD), aron pagyukbo sa mga tiguwang.

Gawas sa cash gift, ang centenarians makadawat og letter of felicitation nga pirmado sa Presidente sa Pilipinas.

Atol sa Covid-19 pandemic, ang DSWD 7 padayong nanghatag sa centenarian gifts sa beneficiaries.

Kutob sa Hunyo 2, 2020, ang DSWD 7 nakahatag na ngadto sa 47 ka centenarians sa Region VII./PR. (PR)


Source: Sun.Star Superbalita (https://www.sunstar.com.ph/article/1861713/Superbalita-Cebu/Balita/Sekreto-ni-Lolo-human-sa-siglo?ref=rss&format=simple&link=link)

No comments