Recent Posts

Breaking News

Entoy, 72, namatay; mga anak mopadayon sa bakasihan


NABANTOG nga bakasihan sa lungsod sa Cordova nga iya ni Florencio "Entoy" Escabas magpadayon pinaagi sa pagdumala sa iyang mga anak nunot sa kamatayon sa ilang amahan, kinsa nabantog nga pinakakaraang manglutoay og bakasi sa lungsod, niadtong Hunyo 15.

Matod sa iyang kinamanghurang anak nga si Ginalyn Tura nga naglain ang lawas sa iyang amahan nianang Hunyo 14, hinungdan nga ilang gipa admit sa usa ka pribadong tambalanan sa Dakbayan sa Lapu-Lapu.

Apan nianang Hunyo 15 sa kaadlawon, nakabsan sa iyang kinabuhi sa edad nga 72 anyos.

Acute coronary syndrome kun kakulian sa kasing-kasing ang gikamatyan sa iyang amahan, dili coronavirus disease (Covid-19).

Kalit man tuod ang hitabo, apan ila na lang kining gidawat.

Ang iyang amahan maoy pinakaaraang manglutoay og bakasi sa lungsod.

Ang ilang nabantog nga kan-anan nga Ka Entoy sa Barangay Buagsong natukod niadtong 2002 ug kanunay dagsaon sa mga dumuduong.

Nipasalig si Tura nga sila ug ang tulo niya ka mga igsuon ang mopadayon pagdumala sa ilang nabantog nga kan-anan. (GCM)


Source: Sun.Star Superbalita (https://www.sunstar.com.ph/article/1861101/Superbalita-Cebu/Balita/Entoy-72-namatay-mga-anak-mopadayon-sa-bakasihan?ref=rss&format=simple&link=link)

No comments