Recent Posts

Breaking News

Covid cases sa Cebu City mikunhod


NAG-ANAM na og kunhod ang mga kaso sa Covid-19 ug misaka ang gidaghanon sa recoveries sa miaging tulo ka adlaw sa dakbayan sa Sugbo.

Ang Cebu City Health Department (CCHD) nakatala og 30 ka bag-ong kaso ug 31 ka recovered patients apan nikutlo usab kini og 7 ka kinabuhi, Hunyo 23.

Niadtong Hunyo 21, ang CCHD nakadiskubre og 48 ka Covid cases apan 12 ra ang recoveries, samtang 37 new Covid cases ug 42 ang hingpit nga naka-recover sa maong virus niadtong Hunyo 22.

Ang 31 ka mga tawo nga naka-recover gikan sa barangay Labangon samtang ang 7 nga namatay gikan sa barangay Basak San Nicolas( 1- Hunyo 11), Duljo ( 1- Hunyo 7), Labangon (1-Mayo 29), Mambaling (1-Mayo 8), Tejero (1 – Hunyo 3),Tisa (2 - Mayo 30) ug Hunyo 4).

Samtang ang mga confirmed cases kagahapon nagagikan sa barangay Mabolo -1, Mambaling - 2, Pahina Central -1, Pardo -1, Pasil – 2, Punta - 2, Quiot -4, Sambag I – 7, Sambag II - 5, Suba - 1, Tejero -1, Tinago -1, Tisa - 2.

Si Mayor Edgardo Labella nasubo gihapon sa resulta bisan ko nikunhod na ang natakboyan gikan sa kapin 100 matag adlaw sa niaging semana sanglit aduna gihapoy kinabuhi nga mga nakalas.

Gumikan niini, padayon nga nanawagan ang mayor nga magpabilin lang sa ilang tagsa - tagsa ka pinuy-anan ug did-an ang pagpasulod og mga bisita, mosunod sa social distancing, magsul-ob og mask ug mosunod sa ubang mga protocol nga gipatuman sa IATF ug sa Department of Health. (PAC)


Source: Sun.Star Superbalita (https://www.sunstar.com.ph/article/1861175/Superbalita-Cebu/Balita/Covid-cases-sa-Cebu-City-mikunhod?ref=rss&format=simple&link=link)

No comments