Recent Posts

Breaking News

Camomot hapit na 'venerable', masanto!


GIAPROBAHAN sa Congregation of the Causes of Saints niadtong Hunyo 17, 2020, ang “positio” o ang kabahin sa kinabuhi ug works ni anhing Archbishop Teofilo Camomot.

Si Padre Mhar Balili, vice postulator of the process of Canonization of Camomot, nikonpirmar niini sa SunStar Cebu niadtong Dominggo, Hunyo 28.

Ang positio, matod niya, sama sa thesis nga nagmatuod nga ang kandidato nagpuyo og kinabuhi nga puno sa heroic virtues.

Unang gipahibawo sa Roman Catholic Church ang pagkumpleto og himo sa positio atol sa commemoration sa iyang ika-106 birthday niadtong Marso 3.

Sigon ni Balili ang sunod nga proseso mao ang presentasyon sa positio ngadto sa panel of theologians ug dayon sa cardinals alang sa dugang eksaminasyon.

Sa higayon ilang aprobahan, ang Holy Father mohatag sa titulo “Venerable.” Ang title ‘Venerable’ kay prerequisite alang sa title nga ‘Blessed.’

Sa higayon ilhon si Camomot nga “Venerable” sa simbahan, usa ka tinuod nga milagro ang gikinahanglan isip sunod nga ang-ang alang sa beatification, sumala ni Balili.

Aron siya madeklarar nga santos, kinahanglan ang nagpaluyo sa kawsa alang kang Camomot mopakita og ikaduhang milagro nga mag-attribute kang Camomot.

“Naay reports among gi-investigate kay naa man gud siyay criteria,” sumala ni Balili.

“Number 1, ang iyang case really is a matter of life and death. Number 2, kung naayo siya nga dili ma-explain sa science or doctors,” dugang ni Balili. (WBS, SSC)


Source: Sun.Star Superbalita (https://www.sunstar.com.ph/article/1861755/Superbalita-Cebu/Balita/Camomot-hapit-na-venerable-masanto?ref=rss&format=simple&link=link)

No comments