Recent Posts

Breaking News

2 namaligya og alak sa pulis sikop sa entrapment


SIKOP sa entrapment operation ang duha ka mga lalaki nga nagtrabaho sa usa ka kompaniya dihang namaligya og alak sa nagtakuban nga pulis.

Kasong pagsupak sa Executive Order 33, Section 2 Par. 18 in Relation sa Republic Act (RA) 11332 kun Liquor Ban ang duha nga sila Joshua Pernes Gallegos, 35 anyos, salesman, ug residente sa Tahimik Avenue, Matina, Davao City; ug si Romy Aguha Cornelio, 41 anyos, driver sa panel truck ug nagpuyo sa Lower Baliti, Buhangin, siyudad sa Davao.

Ang operation gipangunahan ni San Pedro Police Station Intel Operatives Police Lieutenant Rizalito Clapiz III, ubos sa superbisyon sa hepe niini nga si Police Major Jack Tilcag.

Alas 8 sa gabii sa milabay nga Huwebes nasikop ang mga dinakpan didto sa North Crest Subdivision, Buhangin.

Nakuha sa ilang posisyon ang usa ka karton nga 375 ml nga Tanduay Rhum bugti sa P1,620 nga marked money.

Gawas niini, nakumpiska sab gikan kanila ang laing mga kinarton sa maong alak ug ang 2 ka karton nga 750 ml nga Emperador Lights.

Gipangbalhog ang mga dinakpan sa San Pedro police station. (Jeepy P. Compio)


Source: Sun.Star Superbalita (https://www.sunstar.com.ph/article/1861249/Superbalita-Davao/Balita/2-namaligya-og-alak-sa-pulis-sikop-sa-entrapment?ref=rss&format=simple&link=link)

No comments